24/04/2024

નારી ચોકડી પાસે ટ્રકની કેબીનમાં આગ ભભૂકી

0

Updated: Mar 21st, 2024


પેટ્રોલપંપ નજીક જ ટ્રકમાં લાગેલી આગથી લોકોના જીવ તાળવે ચોટયાં

ફાયર સ્ટાફે પાણીનો છંટકાવ કરી આગ પર કાબૂ મેળવ્યો, સદ્નસીબે કોઈ મોટી દુર્ઘટના નહીં

ભાવનગર: ભાવનગર શહેરના છેવાડે નારી ચોકડીથી નારી ગામ જવાના રસ્તે આજે સવારના સમયે પેટ્રોલપંપ નજીક પાર્ક કરેલા એક ટ્રકની કેબીનમાં આગ ભભૂકી ઉઠતા લોકોના જીવ તાળવે ચોટયાં હતા. બનાવની જાણ થતાં ફાયર સ્ટાફે પાણીનો મારો ચલાવી આગ પર કાબૂ મેળવી લીધો હતો.

ફાયર સૂત્રો પાસેથી મળતી વિગત અનુસાર શહેરના પ્રવેશદ્વાર નારી ચોકડીથી નારી ગામ તરફ જવાના રસ્તા પર આવેલ ઈન્ડિયન ઓઈલના પેટ્રોલપંપ પાસે પાર્ક કરેલ ટ્રક નં.જીજે.૦૪.એક્સ.૬૭૦૪ની કેબીનમાં આજે ગુરૂવારે સવારના સમયે કોઈ કારણ સબબ અચાનક આગ લાગી હતી. જેની જાણ થતાં ફાયર સ્ટાફે મારતી ગાડીએ દોડી જઈ પાણીનો છંટકાવ કરી આગ બૂઝાવી હતી. ઉલ્લેખનિય છે કે, નજીકમાં જ પેટ્રોલપંપ આવેલો હોય, મોટી દુર્ઘટના થવાની ભીતિ સાથે લોકોમાં દહેશત ફેલાઈ હતી. જો કે, સદ્નસીબે કોઈ અનહોની ન થતાં લોકોએ રાહતનો દમ લીધો હતો. આગ લાગવાનું કારણ, નુકશાની કે ટ્રકના માલિકનું નામ જાણવા મળી શક્યું ન હોવાનું ફાયર સ્ટાફે ઉમેર્યું હતું.

Loading

Print Friendly, PDF & Email
ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW