24/04/2024

જામનગરમાં એક સપ્તાહમાં હત્યાની બીજી ઘટના બનતાં ભારે અરેરાટી : 12 વર્ષીય બાળકી પર પાડોશી ટ્રક ચાલકે છરી વડે હુમલો કરી હત્યા

0


– રાજપાર્ક વિસ્તારમાં રહેતી 12 વર્ષીય બાળકી પર પાડોશમાં જ રહેતા ટ્રક ચાલકે છરી વડે હુમલો કરી કરપીણ હત્યા નીપજાવતાં ભારે ચકચાર

– જિલ્લા પોલીસવડા-ડીવાયએસપી સહિતનો પોલીસ કાફલો દોડતો થયો-હત્યારાને પકડવા પોલીસની દોડધામ

જામનગર,તા.20 માર્ચ 2024,બુધવાર

જામનગરમાં એક સપ્તાહ પહેલાં એડવોકેટની સરાજાહેર હત્યા થયાની ઘટના બાદ સપ્તાહનામાં જ બીજી હત્યાની ઘટના બનતાં ભારે ચકચાર જાગી છે, અને કાયદો અને વ્યવસ્થાની પરિસ્થિતિ અંગેના સવાલો ઉઠ્યા છે.

જામનગરના રાજપાર્ક વિસ્તારમાં રહેતી બાર વર્ષની બાળકી પર તેના પાડોશમાં જ રહેતા એક ટ્રક ચાલકે છરી વડે હુમલો કરી  હત્યા નિપજયાની ઘટના સામે આવતાં ભારે અરેરાટી પ્રસરી છે. જિલ્લા પોલીસવડા સહિતનો પોલીસ કાફલો ઘટના સ્થળે તેમજ જી.જી. હોસ્પિટલમાં દોડતો થયો છે, અને ભાગી છૂટેલા આરોપીને પકડી લેવા દોડધામ શરૂ કરી છે.

જામનગર શહેરમાં એડવોકેટ હારૂન પલેજાની હત્યા નીપજાવાઈ હતી, અને તેના હત્યારાઓને પકડવા માટે પોલીસ દોડધામ કરી રહી છે, ત્યાં જ આજે બપોરે જામનગરના રાજપાર્ક વિસ્તારમાં હત્યાની બીજી ઘટના બની છે. ઉપરોક્ત વિસ્તારમાં વસવાટ કરતી દ્રષ્ટિ કારાવદરા નામની બાર વર્ષીય બાળકી કે જે તેના પાડોશમાં જ રહેતા લાલજી કૈલાશભાઈ પંડ્યા નામના 65 વર્ષના ટ્રક ચાલક વૃદ્ધને ટિફિન દેવા ગઈ હતી, દરમિયાન ટ્રકચાલકે કોઈ કારણસર બાળકી પર છરી વડે હુમલો કરી દઈ હત્યા નીપજાવ્યાનું સામે આવતાં ભારે અરેરાટી પ્રસરી છે.

શરૂ સેક્શન રોડ પર પોતાના મકાનના સરકારી કામ સબબ ગયેલા બાળકીના માતા-પિતા બનાવની જાણ થતાં પરત દોડી આવ્યા હતા, અને પોતાની પુત્રીને લોહીથી લથબથમાં જોઈને અવાચક બની ગયા હતા, અને ભારે હૈયાફાટ રુદન કર્યું હતું. 108 ની ટુકડી બાળકીને લઈને જામનગરની સરકારી જી.જી. હોસ્પિટલમાં પહોંચી હતી, પરંતુ ત્યાં તેણીનો માત્ર મૃતદેહ જ પહોંચ્યો હતો, અને ફરજ પરના તબીબે બાળકીને મૃત્યુ પામેલી જાહેર કરી હતી, જેથી બનાવ હત્યામાં પલટાયો હતો.

સમગ્ર ઘટનાની જાણ થતાં એસ.પી. પ્રેમસુખ ડેલુ, ડી.વાય.એસ.પી. જે.એન. ઝાલા, પોલીસ ઇન્સ્પેક્ટર એન.કે.ચાવડા સહિતના અધિકારીઓ તથા પોલીસ સ્ટાફ વગેરે બનાવના સ્થળે અને જી.જી. હોસ્પિટલે દોડી ગયા હતા. પોલીસે બાળકીના મૃતદેહ નો કબજો સંભાળી પોસ્ટમોર્ટમ સહિતની કાર્યવાહી હાથ ધરી છે, તેમ જ હત્યા અંગેનો અપરાધ નોંધવાની કાર્યવાહી હાથ ધરી છે. તેમજ ભાગી છૂટેલા આરોપીને પકડી લેવા દોડધામ શરૂ કરી છે. પોલીસે મૃતક બાળકીની માતા શાંતાબેન તેમજ પિતા રાજેશભાઈ કારાવદરા કે જેઓના નિવેદનો નોંધવાનું શરૂ કર્યું છે. હુમલાખોર આરોપી લાલજી કૈલાશભાઈ પંડ્યા કે જે મૃત બાળકીના પરિવારની સાથે વર્ષોથી સંબંધો રાખે છે, અને તેને જમવાનું પણ ટિફિન પહોંચાડતા હતા.દરમિયાન આજે બપોરે દ્રષ્ટિ (12 વર્ષ) આરોપીને ટિફિન આપવા ગઈ હતી અને હત્યા નો ભોગ બની છે. સમગ્ર પ્રકરણનું કારણ જાણવા માટે પોલીસ દ્વારા ઊંડાણપૂર્વકની તપાસ ચલાવવામાં આવી રહી છે. 

પોલીસની પ્રાથમિક તપાસ દરમિયાન આરોપી ટ્રક ચાલક લાલજી પંડ્યા કે જે મૂળ ખંભાળિયા નો વતની હોવાનું અને ત્યાં પણ તેણે હત્યા કરી હોવાનું અને પોતે હત્યાનો આરોપી હોવાનું જાણવા મળી રહ્યું છે. જે આરોપી હાથમાં આવ્યા પછી બાળકીની હત્યાનું રહસ્ય જાણી શકાશે.

હત્યાનો ભોગ બનેલી બાળકીની માતાએ પાડોશી શખ્સ સામે હત્યા અંગેની ફરિયાદ નોંધાવી

જામનગરમાં રાજપાર્ક વિસ્તારમાં રહેતી બાર વર્ષની બાળાની હત્યા નીપજાવવા અંગે બાળકીની માતાએ પોતાના જ પાડોશી 65 વર્ષના શખ્સ સામે ફરિયાદ નોંધાવી છે.જે હત્યારા આરોપીને પોલીસ શોધી રહી છે.

 જામનગરમાં રાજપાર્ક વિસ્તારમાં રહેતા અને ટિફિન સર્વિસ ચલાવતા શાંતાબેન રાજેશભાઈ કારાવદરા નામની મહિલાએ સીટી બી. ડિવિઝન પોલીસ મથકમાં પોતાની પુત્રી દૃષ્ટિ ઉર્ફે પૂરી (ઉંમર વર્ષ 12) કે જેના પર છરીના અસંખ્ય ઘા ઝીંકી દહી હત્યા નીપજાવવા અંગે પાડોશમાં જ રહેતા લાલજી કૈલાશભાઈ પંડ્યા નામના 65 વર્ષના ટ્રક ચાલક સામે ફરિયાદ નોંધાવી છે. જે ફરિયાદના અનુસંધાને પોલીસે આઈપીસી કલમ 302 અને જીપીએકટ કલમ 135-1 મુજબ ગુનો નોંધ્યો છે, અને આરોપીને પકડવા માટે દોડધામ શરૂ કરી છે.

Loading

Print Friendly, PDF & Email
ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW