24/04/2024

પંચમહાલ બેઠક પર કોંગ્રેસના ગુલાબસિંહ ચૌહાણની પસંદગી, હાઈકમાન્ડે ફોન કરીને આપી માહિતી

0

Updated: Mar 19th, 2024


Lok Sabha Elections 2024: લોકસભા ચૂંટણીના પડઘમ વાગી ચૂક્યા છે. તમામ પક્ષો પોતાના ઉમેદવારોના નામ જાહેર કરી છે. કોંગ્રેસે પહેલી યાદીમાં 39 ઉમેદવારો અને બીજી યાદીમાં 43 ઉમેદવારોના નામ જાહેર કર્યા હતા. જેમાં ગુજરાતના સાત ઉમેદવારોના નામ જાહેર થયા છે. આ દરમિયાન પંચમહાલ લોકસભામાં કોંગ્રેસમાંથી ઉમેદવાર તરીકે લુણાવાડાના વર્તમાન ધારાસભ્ય ગુલાબસિંહ ચૌહાણની પસંદગી થઈ છે. અહેવાલ અનુસાર,આ અંગે દિલ્હીના હાઈકમાન્ડમાંથી ટેલિફોનિક માહિતી આપી હતી. 

રતનસિંહ રાઠોડનું પત્તુ કપાયું

અહેવાલ અનુસાર, પંચમહાલ લોકસભામાં કોંગ્રેસ ઉમેદવાર તરીકે લુણાવાડાના ધારાસભ્ય ગુલાબસિંહ ચૌહાણનું નામ નક્કી કરવામા આવ્યું છે. ગુલાબસિંહ ચૌહાણને દિલ્હી હાઈકમાન્ડે ફોન કરીને જાણ કરી છે. મહીસાગરના વતની સાંસદ રતનસિંહ રાઠોડની ટિકિટ કપાતા કોંગ્રેસે ગુલાબસિંહ પર મોહર લગાવી છે. નોંધનીય છે કે, ભાજપે પંચમહાલ લોકસભા બેઠક માટે રાજપાલસિંહ જાદવની પસંદગી કરી છે. રાજપાલસિંહ જાદવ ઓબીસી સમાજમાંથી અને એક યુવા નેતા છે રાજપાલસિંહ જાદવ જિલ્લા પંચાયતના પ્રમુખ પણ રહી ચૂક્યા છે.

કોંગ્રેસે અત્યાર સુધીમાં સાત ઉમેદવારોના નામ જાહેર કર્યા

કોંગ્રેસે અત્યાર સુધીમાં સાત નામ જાહેર કર્યા છે. જેમાં પોરબંદરથી લલિત વસોયા, બનાસકાંઠાથી ગેનીબહેન ઠાકોર, વલસાડથી અનંત પટેલ, બારડોલીથી સિદ્ધાર્થ ચૌધરી, અમદાવાદ પૂર્વથી રોહન ગુપ્તા, અમદાવાદ પશ્ચિમથી ભરત મકવાણા અને કચ્છથી નીતિશ લાલનનો સમાવેશ થાય છે. જો કે, અમદાવાદ પૂર્વ બેઠકમાંથી કોંગ્રેસના ઉમેદવાર રોહન ગુપ્તાએ મોડી રાત્રે અચાનક જ ઉમેદવારી પરત ખેંચી લીધું છે.



Loading

Print Friendly, PDF & Email
ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW