24/04/2024

સંદેશખાલીનો વિરોધઃ વડોદરામાં ABVP દ્વારા મમતા બેનરજીના પૂતળાનુ દહન, ટ્રાફિક જામના કારણે લોકો અટવાયા

0

Updated: Mar 5th, 2024

વડોદરા,તા.05 માર્ચ 2024,મંગળવાર

પશ્ચિમ બંગાળના સંદેશખાલી વિસ્તારમાં તૃણમૂલ કોંગ્રેસના નેતા શાહજહાં શેખ દ્વારા આ વિસ્તારની  મહિલાઓનુ યૌન શોષણ કરવાના ચકચારી મામલામાં વડોદરામાં એબીવીપી દ્વારા યોજાયેલા વિરોધ પ્રદર્શનના કારણે ટ્રાફિક જામના દ્રશ્યો સર્જાયા હતા.

મળતી વિગતો પ્રમાણે દેશભરમાં ચર્ચાનો વિષય બનેલા આ મામલામાં પશ્ચિમ બંગાળના મુખ્યમંત્રી મમતા બેનરજી દ્વારા શાહજહાં શેખને છાવરવામાં આવી રહ્યો હોવાના આક્ષેપો સાથે એબીવીપીના કાર્યકરોએ એમ.એસ.યુનિવર્સિટી કેમ્પસની બહાર સયાજીગંજ વિસ્તારના મુખ્ય રોડ પર મમતા બેનરજીના પૂતળાનુ દહન કરીને ભારે સૂત્રોચ્ચાર કર્યા હતા.

જેના પગલે આ રોડ પર ટ્રાફિક જામના દ્રશ્યો સર્જાયા હતા અને ઘણા વાહન ચાલકો અટવાયા હતા. એ પછી પોલીસે સ્થળ પર પહોંચીને એબીવીપીના સંખ્યાબંધ કાર્યકરોને હટાવ્યા હતા અને તેમને વાહનોમાં બેસાડીને સયાજીગંજ પોલીસ મથકે લઈ જવાયા હતા. જ્યાંથી તેમને થોડા સમય બાદ છોડી મુકવામાં આવ્યા હતા.

Loading

Print Friendly, PDF & Email
ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW