મહર્ષિ દયાનંદજીએ ચેતના જગાવી રૂઢિઓ અને અજ્ઞાાનનો અંધકાર દૂર કર્યો-રાષ્ટ્રપતિ

0

Updated: Feb 12th, 2024


સૌરાષ્ટ્રની ભૂમિએ રાષ્ટ્રને સાચી દિશા દેખાડી છે- કાઠીયાવાડે દયાનંદજી અને ગાંધીજી જેવા દેશના સપુતોને જન્મ આપ્યો છે, સત્યાર્થ પ્રકાશ, સત્યના પ્રયોગો બન્ને ગ્રંથ માનવતાનું માર્ગદર્શન કરતા રહેશે શ્રીમતિ દ્રૌપદી મુર્મુ : ટંકારામાં દયાનંદ સરસ્વતીજીના 200માં જન્મોત્સવના ગરિમાપૂર્ણ કાર્યક્રમમાં રાષ્ટ્રપતિ, રાજ્યપાલ,મુખ્યમંત્રીએ યજ્ઞામાં આહુતિ આપી

રાજકોટ, : મોરબી જિલ્લાના ટંકારામાં મહર્ષિ દયાનંદ સરસ્વતીની જન્મભૂમિમાં આ મહાન સમાજ સુધારકના 200માં જન્મોત્સવ પ્રસંગે યોજાયેલા ત્રિદિવસીય કાર્યક્રમના આજે સમાપન સમારોહમાં ઉપસ્થિત રાષ્ટ્રપતિ શ્રીમતિ દ્રૌપદી મુર્મુજીએ આ કાર્યક્રમને સમગ્ર દેશ માટે ઐતહાસિક અવસર ગણાવીને જણાવ્યું કે મહર્ષિ દયાનંદજીએ જગાવેલી ચેતનાથી રૂઢિઓ અને અજ્ઞાાનરૂપે અંધકાર દૂર થયો. 

કાર્યક્રમના આરંભે રાષ્ટ્રપતિ તથા ગુજરાતના રાજ્યપાલ અને  મુખ્યમંત્રીએ યજ્ઞામાં આહુતિ આપી હતી. રાષ્ટ્રપતિએ ટંકારામાં રૂ।. 250 કરોડના ખર્ચે 15 એકર જમીનમાં સાકાર થનાર મહર્ષિ દયાનંદ સરસ્વતીના જીવન-કવન પરના ભવ્ય જ્ઞાાન જ્યોતિ તિર્થનો શિલાન્યાસ કર્યો હતો. 

રાષ્ટ્રપતિએ આ તકે સૌરાષ્ટ્રમાં જન્મેલા મહાત્મા ગાંધીજીનું પણ સ્મરણ કરીને કહ્યું મહર્ષિ દયાનંદજીના ગ્રંથ ‘સત્યાર્થ પ્રકાશ’ અને મહાત્મા ગાંધીજીઅ લખેલા ‘સત્યના પ્રયોગો’માનવજાતને પ્રેરણા આપતા રહેશે. દેશના સુતેલા આત્માને જગાડવા અને સમાજને ઉન્નતિ અને સમાનતાના આદર્શોને જોડવામાં સૌરાષ્ટ્રની ભૂમિએ રાષ્ટ્રને સાચી દેશા દેખાડી છે. અહીંની ભૂમિમાં જન્મેલા મહર્ષિએ સમાજ સુધારણાનું બીડું ઝડપ્યું હતું તો ત્યારપછીની પેઢીમાં જન્મેલા મહાત્મા ગાંધીજીએ ભારતીય રાજનીતિમાં જન-જનને જોડવા સાથે તેને આધ્યાત્મિક આધાર આપ્યો હતો. આજે આર્યસમાજના ૧૦ હજાર કેન્દ્રો માનવતાના વિકાસ માટે કાર્યરત છે, 

તેમણે કહ્યું લોકમાન્ય તિલક, લાલા હંસરાજ, લાલા લજપતરાય જેવા મહાન ક્રાંતિકારીઓ પર મહર્ષિના વિચારોનો ગાઢ પ્રભાવ હતો.  આધ્યાત્મિક પથપ્રદર્શક મહર્ષિ અરવિંદે દયાનંદજી વિષે કહ્યું હતું કે તેઓ મનુષ્ય અને સંસ્થાનોના મૂર્તિકાર હતા. ગાંધીજી માનતા હતા કે મહર્ષિ દયાનંદજીનું અભિયાન અસ્પૃશ્યતા દૂર કરવા ખૂબ મહત્વનું હતું. આવતા વર્ષે આર્ય સમાજની સ્થાપનાને 150 વર્ષ પૂરા થવા જઈ રહ્યા છે ત્યારે તેની સાથે જોડાયેલા તમામ લોકો સ્વામીજીના વિચારને કાર્યરૂપ આપવા સતત આગળ વધતા રહેશે તેવો વિશ્વાસ વ્યક્ત કરવા સાથે રાષ્ટ્રપતિએ પ્રાકૃતિક ખેતી માટે રાજ્યપાલના પ્રયાસોની મુક્તકંઠે પ્રશંસા કરીને જણાવ્યું કે સ્વચ્છ જળ અને ફળદ્રુપ માટી વિના શરીર પણ સ્વસ્થ નહીં રહે,માનવતાના ભવિષ્ય માટે પ્રાકૃતિક ખેતી અનિવાર્ય છે. 

આ પ્રસંગે રાજ્યપાલ શ્રી આચાર્ય દેવવ્રતે જણાવ્યું  આર્ય સમાજ એક રાષ્ટ્રવાદી સંસ્થા છે. સંસ્કારો, શારિરીક અને સામાજિક વિકાસ અને દેશની ઉન્નતિ આર્યસમાજના નિયમોમાં છે. મહર્ષિ દયાનંદજીએ મહિલા શિક્ષણ, દલિત અને આદિવાસીના ઉત્કર્ષની હિમાયત કરીને માનવજાતને સમરસતાનો પાઠ શિખવ્યો હતો. ભારતની આધ્યાત્મિક ચેતના જગાડીને અજ્ઞાાન પાખંડને દૂર કરવાનું ભગીરથ કાર્ય કર્યું હતું. 

જ્યારે મુખ્યમંત્રી ભુપેન્દ્ર પટેલે જણાવ્યું કે ટંકારા આવતા દર્શનાર્થીઓ, પ્રવાસીઓને માટે સારી સુવિધા વિકસાવવામાં આવી રહી છે. દયાનંદજીના આદર્શોના માર્ગે વડાપ્રધાનના નેતૃત્વમાં રાષ્ટ્રની ઉન્નતિના કાર્યો હાલ થઈ રહ્યા છે. તેમણે ગુજરાત-સૌરાષ્ટ્રની ભૂમિનો મહિમા વર્ણવીને જણાવ્યું કે  ત્રેતાયુગમાં ભગવાન શ્રી રામનનું દંડકારણ્ય-ડાંગમાં વિચરણ અને દ્વાપરયુગમાં શ્રી કૃષ્ણનો ભાલકા તિર્થમાં દેહોત્સર્ગ, દયાનંદજી અને ગાંધીજી ઉપરાંત ગાંધીજીના ગુરુ શ્રીમદ્ રાજચંદ્રજીની સ્થાન પણ અહીં વવાણિયામાં છે. ટંકારાને નગરપાલિકા બનાવવા પ્રયાસો થઈ રહ્યાનું તેમણે જણાવ્યું હતું.  કાર્યક્રમમાં  દેશવિદેશથી હજારો આર્યસમાજી ઉમટી પડયાહતાઅને રાષ્ટ્રપતિનું આગમન થયું ત્યારે તાળીઓના ગડગડાટથી તેમને વધાવ્યા હતા. આર્ય ગુરુકૂળની કન્યાઓએ વેદમંત્રોના ગાનથી વાતાવરણને દિવ્ય બનાવી દીધું હતું. 

Loading

Print Friendly, PDF & Email

ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW