‘તારે મારી સાથે સંબંધ રાખવો છે કે નહિ’ કહી મહિલાના મોપેડને ટક્કર મારી

0

Updated: Feb 13th, 2024


ગાંધીનગરમાં ઘ પાંચ સર્કલ પાસે

વસાહતમાં જ રહેતા શખ્સનું કારસ્તાન : મહિલાની ફરિયાદના આધારે પોલીસે છેડતીનો ગુનો દાખલ કર્યો

 ગાંધીનગર : ગાંધીનગર શહેરના જુના સેક્ટરમાં રહેતી પરણીતાને તેની જ
વસાહતમાં રહેતા શખ્સ દ્વારા છેલ્લા ઘણા સમયથી હેરાન કરવામાં આવતી હતી અને આ વખતે
તેણીના મોપેડને ટક્કર મારી સંબંધ રાખવા દબાણ કરવામાં આવતા સેક્ટર-૨૧ પોલીસ મથકમાં
ગુનો દાખલ કરવામાં આવ્યો છે. જેના આધારે પોલીસે વધુ તપાસ શરૃ કરી હતી.

આ અંગે પોલીસ સૂત્રોમાંથી મળતી વિગતો પ્રમાણે ગાંધીનગર
શહેરના જુના સેક્ટરમાં રહેતી પરણીતાના પતિ અન્ય રાજ્યમાં રહેતા હોવાથી તે તેના
પિતાના ઘરે રહે છે. પિતા દુકાન ચલાવતા હોવાથી અવારનવાર તેમની મદદે જતી હોય છે
ત્યારે સોસાયટીમાં રહેતો શખ્સ છેલ્લા ઘણા સમયથી આ પરણીતાને સંબંધ રાખવા માટે દબાણ
કરતો હતો. ગત સાત ફેબુ્રઆરીના રોજ પરણીતા તેનું મોપેડ લઈને ઘરેથી નીકળી હતી તે
દરમિયાન આ શખ્સ દ્વારા તેનો પીછો કરવામાં આવ્યો હતો અને કહ્યું હતું કે
, તું ઉભી રહે  મારી સાથે વાત કર પરંતુ આ પરણીતા ઉભી રહી ન હતી
અને સેક્ટર ૨૪માં પરિણીતા ઉભી રહેતા કારમાંથી ઉતરીને આ શખ્સ દ્વારા તેને લાફો મારી
દેવામાં આવ્યો હતો. જેના પગલે પરણીતા તેનું મોપેડ લઈને ઘ પાંચ તરફ ગઈ હતી તે
દરમિયાન આ શખ્સ તેની પાછળ આવ્યો હતો અને મોપેડને ટક્કર મારી હતી. જેથી તે નીચે પડી
ગઈ હતી અને તારે મારી સાથે સંબંધ રાખવો છે કે નહીં તેમ કહી ગાળા ગાળી કરવામાં આવી
હતી. ઘાયલ પરણિતાને ૧૦૮ એમ્બ્યુલન્સ મારફતે સારવાર માટે ખસેડવામાં આવી હતી ત્યારે
તેની ફરિયાદના આધારે પોલીસ દ્વારા આ શખ્સ સામે છેડતીનો ગુનો દાખલ કરીને વધુ તપાસ
શરૃ કરવામાં આવી છે.

Loading

Print Friendly, PDF & Email

ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW