02/03/2024

અયોધ્યામાં રામલલાની પ્રાણ પ્રતિષ્ઠા મહોત્સવ ઐશ્વરીય ક્ષણ : સંતો ભાવુક

0

– રામલલા પ્રાણ પ્રતિષ્ઠામાં હાજરી આપી પરત આવેલા સંતોનું ભવ્ય સ્વાગત : નગરજનો સ્વયંભૂ જોડાયા

– શહેરના નિલમબાગ સર્કલથી સરદારનગર ગુરૂકૂળ સુધીની અઢી કિમી લાંબી શોભાયાત્રામાં સંતોનું ઠેરઠેર સામૈયું : જય શ્રી રામના નારાથી ગુંજી ઉઠયું ભાવનગર

ભાવનગર : અયોધ્યામાં રામલલાની પ્રાણ પ્રતિષ્ઠા મહોત્સવ ઐશ્વરીય ક્ષણ તેવો ભાવ પરમ પૂજ્ય સંતોએ વ્યક્ત કર્યો હતો.  સંતો ભાવુક થયા હતા. ૫૦૦ વર્ષની પ્રતિક્ષા બાદ ૨૨ જાન્યુઆરીએ અયોધ્યામાં પ્રભુ શ્રી રામ બિરાજમાન થયા છે. ભાવનગરના સંતો આ પ્રાણ પ્રતિા મહોત્સવમાં હાજરી આપી આજે સાંજે અયોધ્યાથી ભાવનગર પરત ફર્યા ત્યારે શહેરના નિલમબાગ સર્કલથી સરદારનગર ગુરૂકૂળ સુધીનીઅઢી કિમી લાંબી શોભાયાત્રા યોજાઈ હતી. જેમાં પૂજ્ય સંતોનું ઠેરઠેર સામૈયું થયું હતું. આ અવસરે જય શ્રી રામના નારાથી ભાવનગર ગુંજી ઉઠયું હતું.  આ શોભાયાત્રામાં નગરજનો સ્વયંભૂ જોડાયા હતા. 

સંતોના વધામણા કરવા આજે ગૌરવ સમિતિ દ્વારા સન્માન રથયાત્રાનું આયોજન કરાયુ હતું. બપોરે ૪ કલાકે પૂ.કે.પી.સ્વામી (સ્વામીનારાયણ ગુરૂકુળ, સરદાર નગર), પૂ. રમજુબાપુ (અંબિકા આશ્રમ, સાંગાણા), પૂ. રામચંદ્રદાસજી (તપસ્વી બાપુની વાડી, ભાવનગર) , રામબાપુ (બાવળીયાળી), પૂ. વિષ્ણુસ્વામી (સ્વા. ગુરૂકુળ, અકવાડા), પૂ.કિર્તનસાગરસ્વામી (સ્વામિનારાયણ મંદિર, લોખંડ બજાર), પૂ. વેણુગાયકપ્રભુજી (ઇસ્કોન મંદિર, ભાવનગર), પૂ. મુકેશગીરીબાપુ (પાલિતાણા) આજે ભાવનગર પરત ફર્યા ત્યારે નિલમબાગ સર્કલ ખાતે મહારાજા કૃષ્ણકુમારસિંહજીની પ્રતિમાની નિશ્રામાં તેમનું ભવ્ય અને દિવ્ય સ્વાગત કરાયુ હતું. ભાવનગર પશ્ચિમના ધારાસભ્ય જીતુભાઈ વાઘાણી, મેયર ભરતભાઈ બારડ, સ્ટેન્ડીંગ કમિટીના ચેરમેન રાજુભાઈ રાબડીયા, પ્રેમયોગ ફાઉન્ડેશનના પ્રણેતા રણધીરસિંહ ઝાલા, મહેશભાઈ   રાવળ, બી.એ.પી.એસ. સંસ્થાના પૂ. યોગવિજયસ્વામી, પૂ. ત્યાગરાજ સ્વામી સહિતના સંતો, હિરા ઉદ્યોગના અગ્રણીઓ, ઉદ્યોગપતિઓ તથા આગેવાનોએ આ સંતોનું ભવ્ય સ્વાગત અને સામૈયું કર્યુ હતું.

નિલમબાગ ચોક ખાતે આ સમયે જાણે કે ભાવનગર અયોધ્યા બની ગયું હોય તેવો માહોલ સર્જાયો હતો. 

 આ પ્રસંગે સંતો વતી પૂ.કે.પી.સ્વામી અને પૂ. રામચંદ્રદાસજી વાત કરતા ભાવુક થઈ ગયા હતા. ઐતિહાસિક ક્ષણની વાત કરતા તેમણે જણાવ્યુ હતું કે રામલલાની પ્રાણ પ્રતિષ્ઠા મહોત્સવ ઐશ્વરીય ક્ષણ હતી. આ દિવસ અને સમય માત્ર દેશ માટે જ નહી પરંતુ સમગ્ર વિશ્વ માટે દિવ્ય ચેતનાને જાગૃત કરનારો બની ગયો હતો. આ પ્રસંગ વિશે વાત કરવા અમારી પાસે શબ્દો નથી. અમને લાગે છે અમારૂ જીવન સાર્થક થઈ ગયું. પ્રભુ શ્રીરામે અમને આ તક આપી, અમે બડભાગી છીએ અને અમે સમગ્ર ભાવનગર શહેર, જિલ્લા વતી ત્યાં હાજરી આપી દર્શન કર્યા છે. 

અયોધ્યામાં રામલલાના દર્શનથી હ્ય્દય ગદગદ : વેણુગાયકદાસજી

અયોધ્યામાં રામલલાના દર્શનથી હ્ય્દય ગદગદ છે. આંખો ભીની થઈ અને હજુ એ દ્રશ્યો નજર સમક્ષ તરવરે છે. તેમ ઈસ્કોનના ભાવનગરના અધ્યક્ષ વેણુગાયકદાસજીએ ભાવથી જણાવ્યું હતું. તેમણે જણાવ્યું હતું કે, તા.૨૦ને શનિવારના રોજ અમદાવાદથી ફ્લાઈટમાં લખનૌ અને ત્યાંથી ૧૩૩ કિમી દૂર મોટર માર્ગે અયોધ્યા પહોંચ્યા હતા. જવા આવવામાં ક્યાંય તકલીફ પડી નહોતી. અદભુત વ્યવસ્થા હતી. અયોધ્યામાં ૨૦ હજાર પોલીસ કર્મચારીઓ ઉપસ્થિત હતા પરંતુ કોઈના હાથમાં લાઠી નહોતી. લોકો હાથ જોડીને જયશ્રી રામ કહી અભિવાદન કરતા હતા. તા. ૨૩ના રોજ સરયુ નદીના પવિત્ર જળમાં સ્નાન કર્યું હતું. 

 અયોધ્યાની દિવ્ય માટી સાથેનો કુંભ ભાવનગરમાં કરાશે સ્થાપિત : કે.પી. સ્વામી

ભાવનગરથી ગયેલા પૂ. કે.પી. સ્વામી પોતાની સાથે પ્રસાદી સ્વરૂપે રામ ભૂમિ અયોધ્યાની માટી લેતા આવ્યા છે આ માટી- દિવ્ય રજ  સાથેનો કુંભ શાક્ત વિધી સાથે સ્થાપીત કરવામાં આવશે. આ રીતે પ્રભુ રામ અને અયોધ્યા ભાવનગરમાં સદાય આશવાદ વરસાવતા રહેશે અને વર્તમાન અને ભાવિ પેઢીને આ દિવ્ય માટીના વધામણા કરી શકે.  આજના પ્રસંગે કે.પી. સ્વામી દ્વારા આ જાહેરાત પણ  કરવામાં આવી હતી.

Loading

Print Friendly, PDF & Email
ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW