02/03/2024

ઉવારસદના ઇંટનાભઠ્ઠા પાસે રહેતા પરિવારનો બાળક કોલેરામાં સપડાયો

0

Updated: Dec 31st, 2023


દુષિત પાણી અને અખાદ્ય ખોરાકથી રોગચાળાની દહેશત્

બે શંકાસ્પદ બાળદર્દીઓ પણ મળી આવ્યાઃરોગચાળાને નિયંત્રણમાં લેવા જાહેરનામું બહાર પાડયુંઃબે કિલોમીટર વિસ્તાર અસરગ્રસ્ત

ગાંધીનગર :  કોરોનાનો ભય ફેલાઇ રહ્યો છે ત્યારે ગાંધીનગર નજીક ઉવારસદના
ઇંટોના ભઠ્ઠા વિસ્તારમાં કોલેરાનો એક પોઝિટિવ કેસ મળી આવતા આરોગ્ય તંત્ર દોડતું થઇ
ગયું છે.દુષિત પાણી કે અખાદ્ય ખોરાકને કારણે ફેલાયેલા આ રોગચાળાને વધતો રોકવા માટે
મામલતદાર દ્વારા ડબલ એ ઇંટોના ભઠ્ઠાથી બે કિલોમીટરનો વિસ્તાર કોલેરાગ્રસ્ત જાહેર
કરવામાં આવ્યો છે.તો આ વિસ્તારમાં સર્વે દરમ્યાન બે શંકાસ્પદ બાળદર્દીઓ પણ મળી
આવ્યા છે.

દક્ષિણભારતમાં ફેલાયેલા કોરોના વાયરસની ગાંધીનગરમાં પણ અસર
વર્તાઇ છે અને પ્રવાસીઓના કોરોના રિપોર્ટ પોઝિટિવ આવવાનો સિલસિલો હજુ પણ શરૃ જ છે
તેવી સ્થિતિમાં ગાંધીનગર નજીક ઉવારસદમાં કે જ્યાં ઇંટોના ભઠ્ઠા આવેલા છે ત્યાં ફરી
દુષિત પાણી અને અખાદ્ય ખોરાકને કારણે કોલેરાનો રોગચાળો ફેલાય છે. અહીં ડબલ એ
ઇંટોના ભઠ્ઠા પાસે રહેતા પરિવારનો ૧૪ વર્ષિય બાળકને ઝાડા ઉલ્ટી થતા તેનો કોલેરાનો
રિપોર્ટ કરાવ્યો હતો જે આજે પોઝિટિવ આવતા ગાંધીનગર જિલ્લાનું આરોગ્ય તંત્ર દોડતું
થઇ ગયું છે અને અહીં રોગચાળો વધતો અટકે તે માટેના પગલા ભરવામાં આવી રહ્યા છે.
તાત્કાલિક કલેક્ટર કચેરીએથી આ અંગે કોલેરાનું જાહેરનામું પ્રસિધ્ધ કરવામાં આવ્યું
છે. મામલતદારે ગાંધીનગરના ઉવારસદ ખાતે ાવેલા ડબલ એ ઇંટોના ભઠ્ઠા વિસ્તારથી બે
કિલોમિટર વિસ્તારને કોલેરાગ્રસ્ત જાહેર કરતું જાહેરનામું બહાર પાડયું છે સાથે સાથે
સર્વેની કામગીરી પણ કરવામાં આવી રહી છે.

આરોગ્ય તંત્ર દ્વારા વિવિધ ટીમો બનાવીને અહીં સર્વેલન્સ હાથ
ધરવામાં આવ્યું છે. જે દરમ્યાન આ અસરગ્રસ્ત વિસ્તારમાં રહેતા બે પરિવારના પાંચ
વર્ષ તથા ૧૧ વર્ષનો બાળક એમ બે શંકાસ્પદ કેસ પણ મળી આવ્યા છે. જેથી કોલેરામાં
સપડાયેલો આ બાળક ક્યાંથી પાણી પિતો હતો અને તેને છેલ્લા ૪૮ કલાકમાં કયો ખોરાક લીધો
હતો તેની હિસ્ટ્રી મેળવવામાં આવી રહી છે સાથે સાથે અહીં આરોગ્યની સેવાઓ પણ
તાત્કાલિક મળી રહે તે માટેની વ્યવસ્થા કરવામાં આવી છે.

૪૪ પરિવારના ૨૦૪ વ્યક્તિઓનું સ્ક્રિનીંગઃઉવારસદમાં પણ સર્વે
કરાશે

વાવોલ-ઉવારસદ માર્ગ ઉપર
આવેલા ડબલ એ ઇંટોના ભઠ્ઠા પાસે રહેતા પરિવારનો બાળક કોલેરામાં સપડાતા આરોગ્ય તંત્ર
દ્વારા તાત્કાલિક આ વિસ્તારમાં સર્વેલન્સની કામગીરી હાથ ધરવામાં આવી હતી. આરોગ્ય
કર્મચારી દ્વારા આ અસરગ્રસ્ત વિસ્તારના ૪૪ પરિવારના ૨૦૪ વ્યક્તિઓનું સ્ક્રિનીંગ
કરવામાં આવ્યું હતું. જે દરમ્યાન બે બાળકોને ઝાડા-ઉલ્ટી હોવાનું સામે આવ્યું હતું
જેથી તેમણે પણ કોલેરા હોવાનું માનીને સારવાર આપવામાં આવી રહી છે. દરમ્યાન બાળકોએ
શુક્રવારની ઉવારસદની બજારમાં ખાણીપીણી કર્યા બાદ ઝાડા ઉલ્ટી થઇ હોવાનું સામે આવતા
હવે આરોગ્ય તંત્ર દ્વારા ઉવારસદની શુક્રવારની બજારમાં આવતા ફેરિયાઓની તપાસ કરવામાં
આવશે. જોકે
,આ ફેરિયાઓ કલોલમાંથી આવતા હોવાથી તેમને ટ્રેસ કરવા
મુશ્કેલ છે. 

Loading

Print Friendly, PDF & Email
ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW