વડોદરામાં વુડાની કુમેઠા વિસ્તારની ત્રણ ટી.પી.સ્કીમના ખેડૂતોની તા.4 જાન્યુઆરીએ બેઠક

0

Updated: Dec 27th, 2023

વડોદરા,તા.27 ડિસેમ્બર 2023,બુધવાર.

વડોદરા શહેરી વિકાસ સત્તા મંડળ દ્વારા તૈયાર થયેલી કુમેઠા-મોરલીપુરા વિસ્તારની ત્રણ ટીપી સ્કીમના જમીન માલિક ખેડૂતોની એક બેઠક તારીખ ચોથી જાન્યુઆરીના રોજ વુડા ભવન એલ એન્ડ ટી સર્કલ પાસે રાખવામાં આવી છે. જેમાં ટી.પી. સ્કીમ ને લગતી માહિતી રજૂ કરવામાં આવશે. તેમ મુખ્ય કારોબારી અધિકારીએ જાહેર નોટીસ આપી ખેડૂતોને બેઠકમાં હાજર રહેવા સૂચના આપી છે.

વુડાએ ખેડૂતોને આપેલી જાહેર સૂચનામાં જણાવ્યું છે કે,વડોદરા શહેરી વિકાસ મંડળે તાજેતરમાં મુસદ્દારૂપ નગર રચના યોજના નંબર 29/સી કુમેઠા- મોરલીપુરાનગર રચના યોજના નંબર 29/ડી કુમેઠા અને નગર રચના યોજના નંબર 29/ઈ કુમેઠાનો ઈરાદો જાહેર કર્યો છે. જે બાદ ગુજરાત નગર રચના અને શહેરી વિકાસ નિયમો પ્રમાણે આ યોજનાનો મુસદ્દો તૈયાર કરીને સમજૂતી આપવા માટે ટી.પી. યોજના વિસ્તારના તમામ જમીન માલિકો, ખેડૂતો અને હિત સંબંધ ધરાવનાર વ્યક્તિઓની એક બેઠક તારીખ ચોથી જાન્યુઆરીના રોજ સવારે 11 થી બપોરે એક દરમિયાન વુડા ભવન એલ એન્ડ ટી સર્કલ પાસે કારેલીબાગ ખાતે રાખવામાં આવી છે. જેમાં હાજરી આપવા જમીન માલિકો તથા હિત સંબંધ ધરાવનાર વ્યક્તિઓને વિનંતી છે.

આ બેઠકમાં યોજનાની કામ ચલાઉ દરખાસ્તો અંગેની તમામ માહિતી અને નકશાઓ નિરીક્ષણ અર્થે રાખવામાં આવશે અને નગર રચના યોજનાની વિગતવાર સમજૂતી પણ આપવામાં આવનાર છે. આ બાબતની જાણ વ્યક્તિગત રીતે જમીન માલિકોને પણ કરવામાં આવી છે તેમ છતાં કોઈ કારણસર નોટિસ મળી ન હોય તો આ જાહેર નોટિસથી જાણ કરવામાં આવે છે તેમ વુડાના કારોબારી અધિકારીએ જણાવ્યું છે.

Loading

Print Friendly, PDF & Email

ACNG TV

ગુજરાતમાં વધી રહેલા અપરાધો અને અત્યાચારોની સાચી માહિતી ઘર ઘર સુધી પહોંચાડવા સમાજમાં સાચા ખોટની ઓળખ કરવા { ACNG TV } ANTI CRIME NEWS GUJARAT ONLINE (એન્ટી ક્રાઈમ ન્યુઝ ગુજરાત) ઓનલાઈન સાથે જોડાવ, ગુજરાતની તમામ પ્રકારની ખબરોને તમારા મોબાઈલમાં જોવા માટે ચેનલને સબક્રાઇબ કરો શેર કરો અને લાઈક કરો

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW