web.onesignal.auto.194684e9-1eab-45d0-91dc-36dcc25bd22e G-0WZXEMETTR

ગુજરાતમાં ફિક્સ પે કર્મચારીઓના પગારમાં 30 ટકાનો વધારો કરવાનો કેબિનેટની બેઠકમાં નિર્ણય

0

દિવાળી પહેલાં જ રાજ્ય સરકારે ફિક્સ પે કર્મચારીઓને પગાર વધારાની ભેટ આપી

30 ટકા પગાર વધારો આપવાથી સરકારની તિજોરી ઉપર વાર્ષિક 500 કરોડથી પણ વધુ ભારણ વધશે

Updated: Oct 18th, 2023

અમદાવાદઃ (Ahmedabad )ગાંધીનગરમાં મુખ્યમંત્રીની અધ્યક્ષતામાં કેબિનેટની બેઠક મળી હતી. (Fix pay Employee)જેમાં ફિક્સ પે કર્મચારીઓની લાંબા સમય જૂની પગાર વધારાની માગ પર વિચારણા કરવામાં આવી હતી.(30 percent hike) આ બેઠકમાં સરકારે રાજ્યના ફિક્સ પે કર્મચારીઓને દિવાળી પહેલા જ 30 ટકા પગાર વધારાની ભેટ આપી છે.(Rushikesh patel) છેલ્લા કેટલાય સમયથી ફિક્સ પે કર્મચારીઓ પગારવધારા માટે માગ કરી રહ્યા હતા. 

પગારવધારાની માગને સંતોષી રોષ ઠારવાનો પ્રયાસ

ફિક્સ પે કર્મચારીઓ દ્વારા ફિક્સેશન હટાવવા માટે કોર્ટ પ્રક્રિયા કરવામાં આવી છે. સુપ્રીમ કોર્ટમાં આ અંગે કાર્યવાહી ચાલી રહી છે. આ કેસમાં સુપ્રીમ કોર્ટે મુદત આપી છે ત્યારે રાજ્ય સરકારે ફિક્સ પે કર્મચારીઓના પગારવધારાની માગને સંતોષી રોષ ઠારવાનો પ્રયાસ કર્યો હોય એવી ચર્ચાઓએ સચિવાલયમાં જોર પકડ્યું છે. રાજ્ય સરકારના પ્રવક્તા મંત્રી ઋષિકેશ પટેલે પ્રેસ કોન્ફરન્સ કરીને ફિક્સ પે કર્મચારીઓના પગારમાં વધારો કરવા અંગેની જાણકારી આપી હતી. 

65 હજારથી વધુ કર્મચારીઓને પગાર વધારાનો લાભ

રાજ્ય સરકારના નિર્ણયથી 61,560 કર્મચારીઓને પગાર વધારાનો લાભ મળશે. 20%ના વધારાની અટકળ વચ્ચે રાજ્ય સરકારે 30 ટકાનો વધારો આપતા કર્મચારીઓમાં ખુશીનું મોજું છવાઈ ગયું છે. રાજ્યમાં કર્મચારીઓના પગાર વધારાનો અમલ 1 ઓક્ટોબરથી થશે. જેનાથી સરકારની તિજોરી ઉપર વાર્ષિક 500 કરોડથી પણ વધુ ભારણ વધશે. આ મુદ્દે સરકાર ટુંક સમયમાંજ પરિપત્ર જાહેર કરશે. 

4400 ગ્રેડ પે ધરાવતા કર્મચારીઓનો માસિક ફિક્સ પગાર આટલો થશે

આ નિર્ણયથી વર્ગ-3ના 4400 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ. 38,090 થી વધીને રૂ. 49,600 થશે. ઉપરાંત વર્ગ-3 ના 4200 અને 2800 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ. 31,340 થી વધીને રૂ. 40,800 થશે. વર્ગ-3 ના 2400, 2000, 1900 અને 1800 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ. 19,950 થી વધીને રૂ. 26,000 થશે. જ્યારે વર્ગ-4 ના 1650,1400 અને 1300 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ.16,224 થી વધીને રૂ. 21,100 થશે.

ફરજ દરમિયાન અવસાન થાય તો 14 લાખ રૂપિયાની આર્થિક સહાય

અગાઉ રાજ્ય સરકારે કરાર આધારિત કર્મચારીઓ માટે મોટો નિર્ણય લીધો હતો. રાજ્ય સરકાર કરાર આધારિત કર્મચારીનું ફરજ દરમિયાન અવસાન થશે તો તેના આશ્રિતોને 14 લાખ રૂપિયાની આર્થિક સહાય ચૂકવશે. આ બાબતે સામાન્ય વહિવટ વિભાગ દ્વારા પરિપત્ર જાહેર કરાયો હતો. 



Loading

About Author

Leave a Reply

Your email address will not be published. Required fields are marked *

Whatsapp Us
ACNG TV

FREE
VIEW