આલિયા ભટ્ટ, કૃતિ સેનન અને અલ્લૂ અર્જૂન નેશનલ એવોર્ડથી સન્માનિત

69th National Film Awards: 69માં રાષ્ટ્રીય ફિલ્મ પુરસ્કાર સમારોહનું આયોજન દિલ્હીના વિજ્ઞાન ભવનમાં આજે  કરવામાં આવ્યું હતું. રાષ્ટ્રપતિ દ્રૌપદી મુર્મુએ આજે ​​2021માં સિનેમામાં તેમના શ્રેષ્ઠ યોગદાન માટે પુરસ્કાર જીતનારા કલાકારોનું સન્માન કર્યું હતું. પીઢ અભિનેત્રી વહીદા રહેમાનને દાદાસાહેબ ફાળકે એવોર્ડથી સન્માનિત કરવામાં આવ્યા.

બોલિવૂડ અભિનેત્રી આલિયા ભટ્ટને ‘ગંગુબાઈ કાઠિયાવાડી'(Gangubai Kathiawadi)  માટે શ્રેષ્ઠ અભિનેત્રી અને કૃતિ સેનનને ફિલ્મ ‘મિમી’ માટે શ્રેષ્ઠ અભિનેત્રીનો એવોર્ડ મળ્યો હતો. સાઉથના સુપરસ્ટાર અલ્લુ અર્જુનને ફિલ્મ ‘પુષ્પાઃ ધ રાઇઝ'(Pushpa: The Rise)  માટે બેસ્ટ એક્ટરનો એવોર્ડ આપવામાં આવ્યો હતો. આર. માધવનની ફિલ્મ  Rocketry: The Nambi ને બેસ્ટ ફીચર ફિલ્મ માટે એવોર્ડ આપવામાં આવ્યો હતો. નરગીસ દત્ત એવોર્ડ કાશ્મીર ફાઇલ્સને આપવામાં આવ્યો હતો.

તમને જણાવી દઈએ કે લોકડાઉનના કારણે આ એવોર્ડ સમારોહ એક વર્ષ વિલંબિત થઈ રહ્યો છે. આ વર્ષે આ એવોર્ડ 2021 માટે આપવામાં આવ્યો હતો. ગયા મહિને સપ્ટેમ્બરમાં જ નેશનલ એવોર્ડની જાહેરાત કરવામાં આવી હતી.

આલિયા ભટ્ટ પોતાના વેડિંગ ડ્રેસમાં એવોર્ડ લેવા પહોંચી હતી

આલિયા ભટ્ટ આજે પતિ રણબીર કપૂર સાથે બેસ્ટ એક્ટ્રેસનો એવોર્ડ લેવા દિલ્હી પહોંચી હતી. એવોર્ડ કરતાં તેની સાડીની વધુ ચર્ચા થઈ હતી, જેને પહેરીને તે સમારોહમાં પહોંચી હતી. આલિયાએ સબ્યાસાચીની ડિઝાઇનર સાડી પહેરી હતી જે તેણે તેના લગ્નના દિવસે પહેરી હતી.

એવોર્ડ મેળવતી વખતે રણબીર કપૂર પોતાના ફોન પર એક વીડિયો બનાવતો જોવા મળ્યો હતો. એવોર્ડ મેળવતા આલિયા ભટ્ટે કહ્યું, ‘હું આ પ્રસંગે ખૂબ જ સન્માનિત અનુભવું છું. હું ફિલ્મ ‘ગંગુબાઈ કાઠિયાવાડી’ માટે સંજય લીલા ભણસાલીનો આભાર વ્યક્ત કરું છું જેમણે મને આ પ્રકારનું પાત્ર ભજવવાની તક આપી.

અલ્લુ અર્જુને પુષ્પા માટે બેસ્ટ એક્ટરનો એવોર્ડ જીત્યો હતો 

આ ડાયલોગ કોણ ભૂલી જશે ‘ઝુકેગા નહીં સાલા…’ આજે જ્યારે અલ્લુ અર્જુન એવોર્ડ લેવા આવ્યો ત્યારે તેણે રેડ કાર્પેટ પર આ ડાયલોગનું સિગ્નેચર સ્ટેપ પણ કર્યું હતું. અલ્લુ સાથે તેની પત્ની પણ આ ફંક્શનમાં હાજર રહી હતી.

અલ્લુ અર્જુને કહ્યું, ‘હું આ એવોર્ડ જીતીને ખૂબ જ ખુશ છું. આ મારા માટે બમણી ખુશીનો પ્રસંગ છે કારણ કે મારી ફિલ્મ કર્મશિયલ  રીતે પણ સફળ રહી છે.

કૃતિ સેનનને ફિલ્મ મિમી માટે એવોર્ડ મળ્યો હતો

મિમી માટે સર્વશ્રેષ્ઠ અભિનેત્રીનો એવોર્ડ જીતનાર કૃતિ સૈને કહ્યું કે માત્ર દસ વર્ષની કારકિર્દીમાં આ એવોર્ડ જીતવો તે તેના માટે મોટી ઉપલબ્ધિ છે. કૃતિએ કહ્યું, ‘આ એવોર્ડ જીતવો મારા માટે મોટી વાત છે. હું નસીબદાર છું કે મને મીમી જેવી ફિલ્મમાં કામ કરવાનો મોકો મળ્યો.

VIDEO | “I am feeling very blessed and overwhelmed. This was a special moment as it was for ‘Mimi’,” says Bollywood actor @kritisanon after receiving the Best Actress Award for her film ‘Mimi’, at the 69th National Film Awards.#NationalFilmAwards pic.twitter.com/m2DfW7p6b6

— Press Trust of India (@PTI_News) October 17, 2023

દાદા સાહેબ ફાળકે એવોર્ડ મેળવતી વખતે વહીદા રહેમાન ભાવુક થયા

પીઢ અભિનેત્રી વહીદા રહેમાન આજે એવોર્ડ મેળવતી વખતે ભાવુક થયા હતા. તેમના નામની જાહેરાત થતાં જ હોલમાં હાજર દરેકે તેમને સ્ટેન્ડિંગ ઓવેશન આપ્યું અને તાળીઓના ગડગડાટથી તેમનું સ્વાગત કર્યું. આ જોઈને વહીદા રહેમાનની આંખોમાં આંસુ આવી ગયા. વહીદા રહેમાને કહ્યું કે તે ખૂબ જ ખુશ છે અને આભાર વ્યક્ત કરે છે.